يبقى انت اكيد في مصر

عندما ترى كل تلك الاثار .. يبقى انت اكيد في مصرلما تحس بامان وتحس ان كل شيئ جميل ... يبقى انت اكيد بمصريمكن مش على طول بنحس ان مصر كويسه بس بيكفينا انها البلد التي ذكرت بالقرءان الكريمفعلا مصر دي حلوه مش شرط اي حاجه بتحصل فيهامش شرط لو حسينا بشيئ من ناحيتهابس المهم اننا اكيد بنحبها لانها بلدنا اللي عشنا على ارضها .. وشربنا من نيلهاالبلد اللي فيها اهلنا وناسنا وجيرانايمكن اوقات بنحس اننا نفسنا نهاجر .. يمكن كمان بنحس اننا مش عايزين نرجع تانيبس اكيد اللي اتغرب ومرجعش اشتاق لارض مصر اشتاق لترابها واهلها اشتاق لبيته واهلهفاتك كتير ياللي مزورتش مصر
كلمة حلوة وكلمتين حلوة يابلدي
غنوة حلوة غنوتين حلوة يابلدي أملي دايماً كان يابلدي .. إني أرجعلك يابلدي
وافضل دايماً جنبك .. على طول
ذكريات كل اللي فات ... خضرا يابلدي
قلبي مليان في حكايات ... خضرا يابلدي
أول حب كان في بلدي ... مش ممكن أنساه
يابلدي فين أيام زمان .... قبل الوداع كـنـّـا منقول إن الفراق ده مستحيل وكلّ دمعة على الخدّين كانت بتسيل مليانة بأمل
إن احنا نبقى موجودين ... في بحر الحبّ .. على الشطين
كلمة حلوة وكلمتين ...حلوة يابلدي غنوة حلوة غنوتين ...
حلوة يابلدي فين حبيب القلب يابلدي .. كان بعيد عني .. يابلدي
وكل مابغني .. بفكّر فيه

قول يا حبيبي انت سايبني ورايح فين
أجمل لحن ده ح نغنيه أحنا الاتنين
يا محلا كلمة بلدي في غنوة بين سطرين ياليل يا عين ... يا عين ياليل ياليل ياليلي ليلي
كلمة حلوة وكلمتين حلوة يابلدي غنوة حلوة غنوتين حلوة يابلدي أملي دايماً كان يابلدي ..
إني أرجعلك يابلدي وافضل دايماً جنبك .. على طول قمر يابلدي ... حلوة يا بلدي

اهو جه يا ولاد

رمضان كريم وكل عام وانتم بخير

حكايتنا المره دي عن رمضان

اللي خلاص حيكون ضيف كمان كام يوم

رمضان في مصر مختلف اوي .. انا حاساه مختلف

فعلا بيكون جميل اوي اوي اوي

احلى ضيف عندنا

في مصر بنلاقي موائد الرحمن اللي بتتجمع فيها الناس ساعه الفطار

بنلاقي كمان المسحراتي اللي بيصحي الناس ساعه السحور

بيقول ويعيد عشان الناس تصحى

لو مش عارفين المسحراتي

هو انسان بسيط بيمر ويكسب ثوابه من عند الله معاه طبله صغيره بيدق عليها عشان الناس تصحى وتقوم تتسحر

بنلاقي الناس متجمعه حول سفره واحده

الله على زينه رمضان كمان اللي بتملى شوارع المحروسه

الله عليكي يا مصر لما يملاكي جو رمضان

تلاقي الشوارع كلها بشر وبتلحق تروح قبل ما المغرب يأذن

قبل الفطار نلاقي البمب والصواريخ " رغم انهم ممنوعين " بس حنقول ايه للشعب المصري

تلاقي الاطفال دايره في الشوارع بالفوانيس

ونسمع بقى وحوي يا وحوي اياحا ..... وكمان وحوي اياحا

روحت يا شعبان جيت يا رمضان ... وحوي يا وحوي

الله على دي ايام

فعلا اجمل ايام السنه كلها

غير الفوانيس والمسحراتي والاغاني الرمضانيه

بنلاقي السفره بتكون مختلفه

وكل يوم صنف من الحلويات المختلفه

اكيد اشهرها القطايف والكنافه

ولا السحور دايما مميز بالفول والجبنه بالطماطم

صعب تلاقي بيت فيكي يا مصر مش بيتسحر بالفول

زي ما بيقولوا انه بيشبع

لما رمضان يقرب يخلص نسمع اغنيه سبحه رمضان

اللي بتقول

سبحه رمضان لولي ومرجان وتلاته وتلاتين حبايه

منهم تلاتين ايام رمضان نور وهدايه

وتلاته العيد ونقول ونزيدذكر الرحمن ايه بايه

عادات في زمن كان

كنا نسمع عن عادت كانت في الحاره القديمه

يمكن نسميها عادات في زمن كان

عادات تربى عليها ابائنا واجدادنا

للاسف لم نجدها في زمننا هذا

منها ما هو حميد ومنها ما هو كان يستحق ان يردم تحت ارض الزمن

كنا نرى ان هناك ماكان يدعو عليه الشهامه ... كان زمان!!!

كنا نشوف الاتوبيس مليان شباب ونساء

الشباب كان يقوم يقف ويجلس مكانه رجل مسن او سيده سواء كانت صغيره او كبيره

الان نرى الشباب جالس وكبار السن واقفين والسيدات واقفين

فين بقى شهامه زمان؟؟؟؟



كنا نرى ان الصغير بيحترم الكبير وميقدرش يقول حاجه قدامه

في الزمن ده بنشوف الابن ممكن يضرب والده ووالدته

ممكن يعلى صوته امامهم

لم يعد يهمه اذا كانوا يغضبوا او يفرحوا .. المهم يكون سعادته مبسوط

ياترى فين بقى طاعه زمان ؟؟؟



كنا نرى ان الابن مستحيل يقعد قدام والده وهو واقف

الان ممكن نلاقي الابن قاعد وال ايه كمان حاطط رجل على رجل

يا سلام على شباب اليوم !!!!!



مستحيل كنا نلاقي الابن يدخن قدام والده

دلوقتي ممكن نلاقيه يطلع سيجاره....... بقى عادي خلاص ويمكن يعزم على والده كمان اذا كان بيدخن

لا كريم ........بيعزم كمان!!!!!



كنا زمان ممكن نلاقي شباب الحاره بيخافوا على بنات حارتهم ولو حد اتعرضلهم بكلمه يقفوا قصاده

دلوقتي بنلاقي شباب الحاره بيتعرضوا لنفس بنات الحاره

فعلا جدعان !!!!!!



طب ياترى العيب في مين

في الزمن ولا شباب اليوم

قول للزمان ارجع يا زمان ... وعايزنا نرجع زي زمان

تلك كانت بدايه حارتنا

الحاره دايما مليانه بالحكاوي نجد الناس يتحدثون عن كل جديد وقديم
يحاولون احياء عادات قديمه ماتت وسط هموم الدنيا
الحاره نجد فيها ما تبقى من العادات الحميده
نجد اجدادنا يتحدثون عن ناس لا نعرفهم
كنت اتمنى ان انتمي الى حاره منهم
حتى اكون معاصره لحكاوي لن اسمعها غير من كبار السن
اسمعها من ناس عاصروها
اتعلم منهم مالم تعلمني الحياه
تلك هي الحاره .. تتكدس بالاناس .. كله يعمل سواء من اجل نفسه او من اجل احبابه الذين يعيشون معه
هي مجتمع صغير يملؤه الحب والتعاون بين اعضائه

ياريتنا كنا عايشين في حاره محتفظه بعادتها ولا كنا عيشنا في مجتمع تدمرت فيه القيم والاخلاق